訓唔著添．．家陣係五點踏九．剛剛同人鬧ｏ左交，今次連自己做錯ｏ左都唔知錯係邊樹．．其實我一直所做ｏ既野，都係錯得好緊要．．當初就唔應該做ｏ的咩．．應該聽主人講，應該聽姐姐講，應該同所有我ｏ既ｆｒｉｅｎｄ講．突然覺得，自己對佢好失望．．ｏｒ，我自己唔應該俾咁大希望佢．我發覺，自己已經唔再被佢體諒了．主人講個句有時都ｏ岩，"一個人搵人攝時間同玩人係無分別，佢出發點都係想害你"．．．係掛，我都唔知仲可以講咩～

　或者係眼訓ｏ既關係吧．．．但我自己覺得好累了．一切隨緣吧，其實自己所講ｏ既野真正ｏ既意思係點就點吧．．人家也管不了的．．

ｏ恩．．．想打俾一個人，唔知．．佢起身未呢？

　今朝早一直訓，訓到１２點有人打俾我～嘩．．我都係講下架咋喎．．點知真係打ｏ黎問我做咩事～ｏ恩，好返少少喇，訓完覺始終都有ｏ的唔同～哈哈，不過佢真係好搞笑把聲，好鬼似家姐，若果佢再早ｏ的打俾我，我仲以為家姐無啦啦會打俾我．．ｏ恩，係囉，諗起又諗，我都好耐無搵過我個三個家姐ｌｕ．由家姐～最聰明同好識為自己打算ｏ既人，其實我最錫就係由家姐，不過由家姐好似自從同晉哥件事之後，都好少搵我啦．我明ｏ既，我係和事佬，又係串合人ｏ既中間人，講真，我當然想幫我家姐，但晉哥係我恩人，我都想幫佢，不過，聽龜家姐話由家姐都已經心有所屬，我都放心架啦

　維家姐份人好成熟，處事不驚，從來都唔會船頭驚鬼船尾驚賊．維家姐份人好鬼道家思想．．～不過我就係ｒｅｓｐｅｃｔ佢呢一點，凡事都睇輕一點，唔好太過執著成敗得失，其實都係一件好事，雖然維家姐同我相處日子唔耐，感情．．．ｗｅｌｌ，，唔太深，但我相信家姐都知我愛佢ｏ既＞３＜”

　冰冰家姐？哈哈哈，可以用四個字形容，"純真可愛"．家姐思想一ｏ的都唔純真，純真就在佢把聲，可愛都係～諗野簡單，但係一個超好ｏ既聆聽者，我以前晚晚都同家姐傾電話架～不過，自己家陣變成一個大忙人，好難搵佢ｌｕ．．．．～不過我個心應該都係咁錫佢

　其實仲有好多人我都想係到講架～好想多謝佢地咁耐以來ｏ既支持，有口難言，有時我想講但又講唔出口～哈～

ｐ．ｓ：心如刀割，正如韓信咁．．．

名人一言:

歷史人物．韓信，簫何

韓信："簫承相，你見唔見到湖面月光ｏ既倒影？"

簫何："見到"

韓信："我韓信就好似湖面ｏ既月光咁樣，雖有經天偉地之才，但亦都只能做為一個影子，並不能有大作為．．我叛楚歸漢，至今亦都係慘劇收場．我個心死啦．．．"