|
SubscriptionsSites I Read
|
|
|
|
| 又一次我係到諗 其實我係咪真係一個咁難相處o既人呢? 係我心裡邊, 我需求o既,可能並唔係一個答案,而係一個解決方案. 要求o既並唔係安慰, 而係懂得點樣令到我係失落裡邊搵返一o的自我 返o左去中學去探返初中所有o既人 每一個人都係抱住一個以我為傲o既心態去同我分享過往o既經歷. 多謝Ms. Mak妳o既真誠同感動.好耐都未試過有人為我o既佳績而感到驕傲了 有時我真係好唔明白, 點解答案永遠都相反, 卻又要忍耐? 係為o左一啖氣? 係為o左填補自己o既孤獨? 點解要係o的唔適當o既時間, 會問o的咁唔適當o既問題? 當以為匯豐大跌28蚊後, 再另覓新股, 一隻我認為係心目中o既大籃籌股 但係呢隻股票, 有時會做出一o的令人感到無奈及窒息o既動作出o黎 講真, 我發現自己對身邊重要o既人o既脾氣真係相對地差o左好多 係我自己問題? 定係身邊o既事物就係要造物弄人? 個一條問題, 係有心也好, 無心也好, 已經會藏係我心底內深處. 真係唔明白. 到o左今時今日 仲可以有氣力回望過去 仲可以不停咁圍擾住一堆相同o既問題不停咁想落去 有意思咩? 就此絕筆 | | |
| 仲有唔夠兩日ｏ既時間，我就正式咁離開我ｏ既剛位，放一個少少ｏ既假期，迎接另一個新挑戰． 早幾日唔記得睇ｏ左邊套電視劇，上面有一句說話令到我有感而發． "人生都總係唔會完美得咁緊要．理想同現實總會有差別" 記得當初由恩師ｏ既推薦，到我真係踏入我夢想中ｏ既天地，到最後發現原來內心裡邊"此處"實在有太多太多格格不入ｏ既地方喇． 嘗試由門面開始做，唔怕尷尬唔怕俾人話煩咁去索取多ｏ的資料，到自己多次落手落腳去做research.最後希望得到一絲ｏ既成功感．到頭來，我先發現，原來一分耕耘，真係未必一分收穫．最少，係我比其他人願意捨棄自己ｏ既中秋節，以及幾個游閒ｏ既星期天假期，我所付出，有幾多係得到我想像中ｏ既回報呢? 心目中我已經寫上ｏ左答案．明白我，真係了解我ｏ既人，好自然亦會明白我ｏ既心景 心裡邊其實覺得係辜負ｏ左好多推薦我入去ｏ既，真係真心真意關心我ｏ既人．我知道"你"應該係唔知，亦應該唔會睇得到．不過心裡邊真係好充心咁講一句，無你當初ｏ既支持同承諾，真係唔會有今時今日ｏ既我．我所得到ｏ既，可能唔係一個tenant, 唔係得到一ｏ的上庭ｏ既實戰經驗，換ｏ黎ｏ既，係人生做人ｏ既道理．要深深明白，呢個世界上唔係每一個人都要迎合你ｏ既．呢個世界唔會無ｏ左一個人，就會無法正常咁運作落去．飯依然會繼續食，路，亦係一個人自己行返ｏ黎ｏ既 經歷過批評，反面教材及一ｏ的ｏ既道理同經驗．我深信，往後ｏ既路仍然都係漫長． 好好咁反思一下過往ｏ既經歷 亦同時 好好咁去享受最後兩天ｏ既工作天．重拾我的"假期". | | |
| 其實今晚都唔係一個咩特別o既日子 係星期日一個晚上, 有一段真正屬於自己o既假期, 有一o的感觸, 一種想為過去個幾個月一切所發生o既事, 想一氣過咁, 講晒出o黎. 今年真係經歷o左好多風風雨雨, 有好多人曾經講過, 成功o既人, 總係喜歡碰下釘,因為當一個人碰過釘後, 先會識得成長, 去了解, 去包容. 本來以為所有野都係自己o既手上一直都掌握住, 但係再細想下, 原來一切都係人為, 一切都係跟隨自己o既意願去行事. 去勇於解決之出o既不妥關係 勇於接受自己以往o既過錯, 盡量爭取多點o既認同及彌補過去o既錯失 希望碩士學位能夠係一個美滿o既光景, 換o黎係真正咁投身法律行業 其實每一個人當聽到我需要逗留香港, 俾我o既感覺都係好似一盤冰凍o既冷水令我感到無助 終於有一刻覺得原來有o的野, 係意料之外個時, 亦都感到失落, 感到無奈, 為自己o既前途及愛情去想進一步咁去修補過去損失o既光陰. 我本身都係一個人, 亦有感情用事o既時候, 亦試過偷偷地咁想出千萬樣不停o既傻事. 但係細心再諗,原來自己距離真正投身成為大律師o既時間, 淨係得返短短o既兩年時間 兩年時間,亦代表我同我o既未婚妻所分隔o既時間.. 當半年前下定決放棄自己曾經愛過, 想過要私定終生o既女仔 再同現事真係眼下決定會擁有一段實實在在關係o既女仔相比 我抱o既態度, 選擇不變, 因為我相信用心去愛, 自然會得到雙方諒解. 愛情並唔係一場你追我趕o既過程, 而係希望係有相識,到下嫁, 到組織家庭o既奇妙o既過程之中, 學識尊重對方, 愛護對方, 了解對方, 包容對方. 要係將兩年時間以及一輩子o既婚姻時間作一個比較, 兩年, 係一個俾雙方一個空間去更加了解到底雙方o既忠誠以及認真o既程度有幾深. 深信連世界上比諭為最艱辛o既科目我地都能夠征服到, 短暫o既雙隔, 不過係需要多一步o既關心, 多一步o既了解, 多一步o既忍讓. 我深信, 作為妳o既老公, 我絕對可以做得到. 我雖然唔係一個滿分o既男朋友, 但我亦希望成為妳心目中滿分o既老公 讓我好好咁擔起呢個承諾 好好咁去照顧妳. 從來無係Xanga正式咁提起妳 希望妳唔好見怪 多謝妳多個月o黎o既包容, 忍讓, 照顧及關懷. 袁雅婷, 一生一世我愛妳!! 希望妳明白, 希望妳會陪伴我走到人生一切o既酸,甜,苦,辣. Love you Forever. Alan. 16.08.2009 | | |
| 咁多個月o黎帶o左俾咁多位咁多o既麻煩, 真係好唔好意思.. 頭號人物, 身邊o既好兄弟, 好姐妹, 真係好多謝你地係我同我老婆身上真係花o左唔少精神同時間. 多謝妳, Anna Leung, 如果無妳, 我諗我好多野都撐唔住, 諗唔到, 妳呢位幕後軍師o既功勞絕對係最高. 雖然我同佢o既關係已經無法挽救, 但係真係好多謝妳出謀獻策. 多謝你, Alvin Kwok, 如果無你, 我諗我身邊亦會少o左好多人能夠聽我講野訴苦. 多謝你係我面前話我講o左咁多說話, 所有o既野, 我都唔知可以講咩好, 總然之, 多謝晒 多謝你, David Yu, 我咁多年o既老死, 如果真係無o左你, 我有好多野都仲可能左右不定. 你為我做o既決定, 雖然唔知最後係o岩定錯, 但係一定會係身為一個老友會俾我最好o既決定. 所以, 我亦聽從你o既講解, 選擇我愛o既人. 對唔住, 爭你o既錢我一定會盡快還返俾你. 個日真係多謝晒你, 同時, 唔好意思.. 你個筆錢我諗對我o既回報, 係換o黎一個我唔想接聽到o既電話. 呢個情人節, 我永遠會係最難忘最痛苦o既一個. 希望, 往後o既日子都唔會再係咁痛苦就好了. 多謝你, Kenneth Hau, 多謝你個晚聽我訴苦訴o左咁耐. 你未見我鬧一個人可以咁激動. 個晚我諗我係鬧得激動o左少少, 不過當一個人令我切底咁失望的話, 我諗, 我一般o既情緒都好難去控制. 不過得o架啦, 所以野我心裡有數, 有數得計. 無諗點, 多謝你 多謝妳, Eva Yeung .. 我真係唔知可以點講好. 上幾歌禮拜你返到o黎見到妳, 我真係忍唔住, 恨恨咁攬實妳.. 我真係好支力, 所有野都根本唔再係我掌握裡邊.. 無論點, 多謝妳寶貴o既意見及支持. 我永遠都會記得有妳呢個咁錫我呢個師兄o既師妹!! 最後, 多謝, 最感激, 感動.. 係雅婷.. 真係好多謝妳一直以o黎o既體諒同支持.. 關心同照顧. 如果無o左妳o既支持同體諒, 我諗我真係絕對撐唔到過去了 Je t'aime 多謝所有人事... 如果我有講漏o既, 真係1/F Leicester University Library搵我 , lol 累了, 要訓 明天, 還要和Evidence Law 大戰300回合.. | | |
| 曾經細細個, 有諗過想做電腦程式設計師.. 大過o左, 先知原來數學同電腦咁有密切o既關係後 縱使自己幾咁喜愛打機也好, 都已經一掃而空 身處圖書館, 正係新一日o既o黎臨. 其實應該好好咁把握現在 記得電影九品芝麻官o既主角, 係落難個時仍然唔會嫌棄自己心愛o既人曾經係個被全世界都覺得佢係通輯犯, 係除o左佢, 欣賞佢, 仲同佢係月光下講, 你細細個個時到底想做咩o架 "曾經對住個月光想話大個o左做個好官, 大個o左先知原來好官唔易做, 最弊家陣連貪官都唔唔成" .. 女仔竟然因為主角o既勇敢同埋率直先顯得愛慕佢 我真係好想有一個會懂得欣賞我o既人係我身邊.. 因為, 我都係需要一個需要讚o既人o黎.. 希望個天可以好好咁明白我o既感受.. | | |
|
